DEEJAY RADIO MACEDONIA е најстарата радио станица во Македонија. Уште од самиот почеток (1990-тата година) била вистинско освежување во радио етерот и успеала  да остане тоа. Изминатите години успеавме да им се наметнеме, на за нас својствен начин, на слушателите во регионот во кој ја емитуваме нашата програма (охридско-струшкиот регион).

   Во моментов функционира како една современа радио станица која дефинитивно ги поставува  правилата на емитување на радио програма во етерот. Музиката која ја емитуваме е внимателно избрана, благодарение на специјален тим кој се грижи за тоа. Горди сме да објавиме дека секоја сабота во 12:00 часот се одржуваат специјални состаноци на кои се одлучува која музика ќе се емитува во текот на следната недела. Тоа значи дека не се препушта НИШТО на случајноста. Група луѓе работат само на креирањето на playlist-ата па и тоа е дел од причината за нашиот успех.

   Тимот кој во моментов работи за оваа радио станица е млад и ПОЛН со енергија. Токму затоа се решивме да започнеме со проекти кои ќе продолжат да ги уриваат критериумите кои постојат во Македонија. Нашата програма содржи околу 16 часови говорна содржина во текот на еден ден, односно произведувамe говорна програма преку 100 часа во текот на неделата.

   Горди сме на тоа што сме ексклузивни промотери на музиката на светски познатиот Paul Van Dyk, човекот за чие шоу (Vonyc Sessions) ги поседуваме ексклузивните права за емитување на територијата на Македонија. Тука е и Brian Cheetham чие шоу е веднаш по она на Van Dyk.

   Има уште многу да се зборува за нас, но ќе застанеме тука, зашто за нас секогаш зборувате ВИЕ. DEEJAY RADIO MACEDONIA е Bаша радио станица. Таа е Вашиот музички свет.

   Добредојдовте во Вашиот свет- DEEJAY RADIO MACEDONIA, местото каде музиката не е само звук!